Odd-Erik Lothe «14»

I 2025 er 30 år sidan Odd-Erik Lothe debuterte som artist med Fabel og singelen “Jordbær & grasbrann”  Dette feirar Lothe bl.a. med å gje ut eit nytt album; det 14. i rekka. Årets album har difor fått den treffande tittelen 14., og oppsummerer på mange måter den sindige nordfjordingens lange teneste innan ein raus definisjon av visesjangeren.

Som alltid byr songane til Lothe på billedrike, poetiske tekstar på nordfjordmål, og melodiar som spring ut av ei viltveksande platesamling med særlig forkjærleik for 60- og 70-talet sine låtsmedar. Saman med produsent Bendik Brænne har han skapt eit nært og varmt sound med hint av både Brian Wilson, Beatles og Nick Lowe for å nemne nokon. Ei rekkje framifrå musikarar har lånt talentet sitt ut til dei 9 låtane som fann vegen til albumet. Framifrå har også resultatet blitt. Er dette bestenotering for Lothe? Jau, vi seier det slik.

Odd-Erik Lothe - song og akustiske gitarar
Bendik Brænne - Piano, orgel, moog, lap-steel, kor
Torbjørn Ellingsen - Piano, moog, melotron
Idar Rolland - Trommer og perkusjon
Torjus Nevland - Trommer og perkusjon
Martin Morland - el-bass og kontrabass
Sander Eriksen Nordahl - el.git, barryton git. og akustiske gitarar
David Wallumrød - orgel
Steinar Karlsen - el.gitar og lap-steel
Håkon Aase - stryk

Miks: Bård Ingebrigtsen
Mastring: Espen Høydalsvik - Oslo Fuzz
Produsent: Bendik Brænne